Dugang ag Libre nga CR para sa Tanan
Sangka panan-awan (news analysis) ni Darwin T. Tapayan
GINADUSO MAKARON SA Sangguniang Bayan it Kalibo ro zero open defecation ukon ro paghigku kon siin-siin eang bangud sa kakueangan it CR ukon kaselyas. Suno kay SB member Cynthia Dela Cruz, may 243 ka panimaeay ro nagakinahangean it mga toilet ag daya nga mga panimaeay hay maeapit sa Aklan River ag sa mga baybayon. Manami raya nga balita.
Angot kara, dapat man nga taw-an it atensiyon ku lokal nga gobyerno ro pagdugang it pampublikong CR. Bangud ro Kalibo hay sentro it komersiyo, gobyerno, ag nagabahoe nga turismo, adlaw-adlaw maabung tawo ro nagaadto ag nagaagi sa banwa. Mawron nga kinahangean it mga tawo ro maeapit nga mga CR iskapin pa sa mga pampublikong lugar. Kinahangean man nga raya hay malimpyo ag libre para sa tanan.
Sa Kalibo Public Market halimbawa, sa kaabuon it tawo adlaw-adlaw, maabu ro nagagamit it isaeahanon nga CR. Maobserbahan nga pilang bato eang ro toilet ag kon amat nagakakueang sa tubi, maayos ag malimpyo nga toilet bowl. Duyon man ro sitwasyon sa Kalibo Shopping Center. Daya hay nagadismaya sa mga tawo kapin pa sa mga turista nga nagakinahangean it comfort, malimpyo ag accessible nga CR.
Sambilog pa, kinahangean nga mangin libre ro tanan nga public CR. May pila abi nga public CR nga may P5.00 nga toilet/CR fee. Ginasugid nga raya nga fee hay para sa maintenance it CR para mangin desente tan-awon apang ro mga raya kon amat hay owa it sabon, toilet paper, maayos nga water system, ag mga panlimpyo. Buot singhanon, kueang ro serbisyo. Dugang kara, ro pagsinueuktan hay nagatueod sa iba kapin pa sa mga pobre nga mag-ihi ukon maghigku kon siin-siin eang kaysa nga magbayad sanda. Owa kita naila kara bangud gusto naton it malimpyo ag bukon it maanghit nga palibot. Pwede kunta nga donasyon lang ro maintenance sa CR ag bukon it obligado. Sa kamatuoran, may mga pribado man nga mga CR nga accessible ag libre sa publiko. Euwas kara, manami ro anda nga serbisyo—malimpyo, may bastante nga tubi, sabon, toilet paper ag iba pa.
Do proper hygiene ag sanitation hay importante sa bukon it masakiton nga pumueuy-an. Do mayad ag accessible nga CR hay mabahoe nga bulig sa kawsa ngara. Dugangan kunta ro CR ag mangin libre para sa tanan! #
Do raya nga news analysis hay ginbasa ni Bombo Merani N. Esparcia sa programang Bombo News and Views morning edition it DYIN Bombo Radyo Kalibo ku Agosto 3, 2016.
GINADUSO MAKARON SA Sangguniang Bayan it Kalibo ro zero open defecation ukon ro paghigku kon siin-siin eang bangud sa kakueangan it CR ukon kaselyas. Suno kay SB member Cynthia Dela Cruz, may 243 ka panimaeay ro nagakinahangean it mga toilet ag daya nga mga panimaeay hay maeapit sa Aklan River ag sa mga baybayon. Manami raya nga balita.
Angot kara, dapat man nga taw-an it atensiyon ku lokal nga gobyerno ro pagdugang it pampublikong CR. Bangud ro Kalibo hay sentro it komersiyo, gobyerno, ag nagabahoe nga turismo, adlaw-adlaw maabung tawo ro nagaadto ag nagaagi sa banwa. Mawron nga kinahangean it mga tawo ro maeapit nga mga CR iskapin pa sa mga pampublikong lugar. Kinahangean man nga raya hay malimpyo ag libre para sa tanan.
Sa Kalibo Public Market halimbawa, sa kaabuon it tawo adlaw-adlaw, maabu ro nagagamit it isaeahanon nga CR. Maobserbahan nga pilang bato eang ro toilet ag kon amat nagakakueang sa tubi, maayos ag malimpyo nga toilet bowl. Duyon man ro sitwasyon sa Kalibo Shopping Center. Daya hay nagadismaya sa mga tawo kapin pa sa mga turista nga nagakinahangean it comfort, malimpyo ag accessible nga CR.
Sambilog pa, kinahangean nga mangin libre ro tanan nga public CR. May pila abi nga public CR nga may P5.00 nga toilet/CR fee. Ginasugid nga raya nga fee hay para sa maintenance it CR para mangin desente tan-awon apang ro mga raya kon amat hay owa it sabon, toilet paper, maayos nga water system, ag mga panlimpyo. Buot singhanon, kueang ro serbisyo. Dugang kara, ro pagsinueuktan hay nagatueod sa iba kapin pa sa mga pobre nga mag-ihi ukon maghigku kon siin-siin eang kaysa nga magbayad sanda. Owa kita naila kara bangud gusto naton it malimpyo ag bukon it maanghit nga palibot. Pwede kunta nga donasyon lang ro maintenance sa CR ag bukon it obligado. Sa kamatuoran, may mga pribado man nga mga CR nga accessible ag libre sa publiko. Euwas kara, manami ro anda nga serbisyo—malimpyo, may bastante nga tubi, sabon, toilet paper ag iba pa.
Do proper hygiene ag sanitation hay importante sa bukon it masakiton nga pumueuy-an. Do mayad ag accessible nga CR hay mabahoe nga bulig sa kawsa ngara. Dugangan kunta ro CR ag mangin libre para sa tanan! #
Do raya nga news analysis hay ginbasa ni Bombo Merani N. Esparcia sa programang Bombo News and Views morning edition it DYIN Bombo Radyo Kalibo ku Agosto 3, 2016.
Comments
Post a Comment