Kabuhi-estudyante
joshweinstein.wordpress.com ni Darwin Tapayan I. Kabuhi-estudyante, ano kalisod Kon owa ngani't baeon dayon matis-od Nagapangabudlay sanday Nanay ag Tatay sa matuod Kanday Nonoy ag Inday agud pag-eskuwela hay matukod. II. Nagasalig gid sanday Nanay ag Tatay Matapos ro pagtuon nanday Nonoy ag Inday Agud ro pangabuhi hay mapatawhay; Sanda hay 'di eon makapamueay-mueay. III. Sanday Nonoy ag Inday hay nakahimakas Sa kalisod it pangabuhi'y nakaeampuwas; Pobreng pangabuhi'y dayon nga mapaathag Sa kabugana it pangabuhi hay nagapanagad. IV. "Ngani ikaw, kamo, kita Mag-eskuwela it mayad ag 'di magpadaea-daea Sa sakit nga daea it barkada Nga imaw ro panamad sa handom it pamilya."