Do Kumpesar it Manugpangisda

May sangka manugpangisda ro nagkumpesar sa pari. Kumpesar it manugpangisda: nagkasabtanan sanda ku anang kaeapitbaeay mawto nga nakamitlang imaw it mga maeain nga mga pamisaea kontra sa ana nga kaeapitbaeay. Nagsabat ro pari nga magtipon raya it mga bueak ukon koton ag isueod sa sako. Dugang pa it pari nga dayon ikalhit raya it manugpangisda sa plaza ku banwa. Apang owa nagpromesa ro pari it kapatawaran sa eaki.
    Inisigida nga umuli ro eaki ag nagpamu’pu’ it koton ag gindaea ro sangka sako kara sa plaza ku andang banwa. Kapareho it ginsugo ku pari ginkalhit na raya sa nagkaeain-eain nga parte it plaza. Pagkatapos hay nagbalik eagi imaw sa pari ag masadya nga ginsugid ro anang pagtuman sa bilin sa eaom nga mapatawad eon imaw. Apang ginkakueba na tag ginhambaean imaw it pari nga owa pa hatapos ro anang bilin kana.
   Ginsugo imaw nga pamueuton na ro mga koton nga ginpangalhit sa plaza. Nasubuan ro eaki ag nagmueo-mueo, ginasugid sa pari nga malisod raya nga pamueuton bangud nga nagkalhit eon ag ginpang-apok it hangin kon siin-siin. Mawto pagkabati it pari sa sabat it manugpangisda, ginhambaean na nga mawron man ro pagbusla ag pagmitlang it mga maeain nga kataga sa isigkatawo, malisod eon ibalik. Daya ro kamatuoran nga ginhuna-huna it eaki sa kaugalingon ag nagpanaad nga magadahon eon imaw sa sunod kon may kabais.

Tuon sa kabuhi: Haeungan it mayad ro mga pamisaea hay kon ro saea nga pamisaea hibuy-an, malisod eon ra ibalik.

Comments

Post a Comment

Popular posts from this blog

Aklanon Common Greetings and Salutations

Prepared by Darwin Tapayan English Aklanon Hiligaynon Tagalog What is your name? Ano ro i’ng (imo nga) pangaean? Ano ang imo ngalan? Ano ang pangalan mo? I am… My name is… Ako si… Do a’ng (akon nga) pangaean hay… Ako si… Ang akon ngalan amo si… Ako si… Ang pangalan ko ay… Where do you live? Siin ka gaistar? Taga-siin ka hay? (informal) Diin ka gapuyo? Taga-diin ka haw? Saan ka nakatira? Taga-saan  ka? My companion is… Do a’ng kaibahan hay si… Ang upod ko si… Ang kasama ko ay si… How old are you? Pila i’ng edad? Pila ka eon? (informal) Pila na ang imo edad? Pila ka na? Ilang taon ka na? Ilan ka na? Who is with you? Sin-o ro i’ng kaibahan? Sin-o ang upod mo? Sino ang kasama mo? How are you? Hay? (informal
Read more

Patugma (Aklanon Riddles)

Image
gintipon ni Darwin Tapayan 1. Sambilog ro ginsudlan, tatlo ro ginguw-an. 2. Nagakamang eon ro unga, nagapungko pa eang ro ina. 3. Buktot nga tulay, sahi-sahi ro kulay. 4. Manaba kung nagatindog, mataas kung nakapungko. 5. Maisot eang si Nene, kaantigo eon magtahi-tahi. 6. Baeay ni Adan, indi mabasa it uean. 7. Eab-on, pali; eab-on, pali. 8. Si Nene kung mageupad, do buli nagaiwag. 9. Iya ko gintanom, idto nageabong. 10. Bukon it tawo, bukon it sapat: May daywa ka sungay. 11. Tubi sa mining-mining, indi maabot it hangin. 12. Bukon it tawo, bukon it sapat: kung siin ko ginpaeong, idto ro kabuhi nagdayon. 13. Dahon nga ginbungahan, bunga nga gindahunan. 14. Bukon it tawo, bukon it butang: daea ro baeay bisan siin ro paagtunan. 15. Bukon it tawo, bukon it sapat: Nagapanago si Toto, nakatunga ro ueo. 16. Bukon it taw, bukon it sapat, bukon it butang: may buhok, may mata, may baba, owa it eawas. 17. Sa gabii dahon, sa adlaw baston. Sabat: 1. eambong;
Read more

“Mamugon”

Image
Aklanon spoken literature  includes kaeantahon (folk song) or kumpuso (song composition). According to some elderly, most of this spoken literature is used to serenade woman (locally known as harana ), lullaby ( hele in vernacular), as luwa being sang in wakes, among others. “Mamugon” (to harvest, especially rice plants) is one of this folk songs generally unwritten with unknown compositor had been pass on from our forefathers to our times. I have heard and knew this (at least this version) from my grandmother, Patricia Dela Cruz Tapayan, now 83 years old. The song relates the story of a typical farmer harvesting in a rice field with its dramatic story missing his/her died mother. Mamugon ako mamugon Sang gantang ro suhoe sa maghapon Alas dose ako pakan-on Oras eon nga ako paulion. Pag-abot sa baeay Mangayo ako it humay Tinuro ako ni Tatay Sa eusong ro paeay. Alinon ko ro paeay? Eawas ko hay nagapangabudlay; Kung buhi eang si Nanay Makaon ako, ma
Read more