AKLANON PROUD

ni Darwin Tapayan Plowing the Rice Field by Fernando Amorsolo Sa kaunud-unuran it bukid ako nabun-ag Sa mahilway, maeapad ag bugana nga daeaag; Sa pamusdan ag sa punta it bukid naghigad Sa euyo nanday Nanay ag Tatay sa ahaw payag. Nangabuhi nga matawhay ag masadya Nangabuhi sa kalisod ag kabugana Nangabuhing bukidnon ag nabuhing taha-- Pangabuhing pagatindugan ag indi ikahuya. Agahon, utro-adlaw, hapon ag sa kagab-ihon Kamote, balingka, ukon saging ro ginakaon Nga idto sa bahin nga bakiling ko gintanom, Ag kon tig-aeani, idto sa patag nagapamugon. A'non ko kon duyon ro akong naabtan Pangabuhing bukidnon nga 'di ko haeos maaywan Bisan san-o ag bisan siin hay akon gid pasidunggan Sa masunod nga hinaylo it katawhan.

missiongreenpossible.wordpress.com ni Darwin Tapayan Permi kami nagapabaybay Kaibahan sanday Nonoy ag Tatay Kon ro baeod hay matawhay Mauli gid kami daea ro kalipay. Ako, sanday Nonoy ag Tatay ro 'gapangisda, Sanday Inday ag Nanay ro 'gabaligya Kon maubos, kami hay masadya Imaw ruyon kami--nagapaealangga'. Tuman kalisod ro among pagpangabuhi Apang saeamat nga kami hay buhi Maisip ko ngani dayon ako 'gahibi Malisod, apang indi kami kapangindi.

ni Darwin Tapayan Malisod, pangabuhi nga pamugon, Pangabuhi nga sa uma ginpangumon Bugay nga imaw ro naagom-- Di matalikdan, 'di maaywan sa daeanon. Pangabuhi nga bukon it kahuy-anan Magdaea man sa kalisod ag kapipit-an, Pakadumdumon nga angay pasaeamatan Bangud sa gihapo'y nagdaea it kabuganaan. Tao eang kon ikaw hay makasarang Sa pamugnan ikaw hay manganihan Pakaisipon--halit it adlaw nga 'di masayran Sa gihapo'y hunaon, diya hay may kalipayan. Malisod kon ikaw mamumugon Pangabudlay nga sa kabuhi'y nabaton Apang sa kahigayunan, dungganon Nga imaw hay nakahimueos man katon.