Do Pangamuyo ni Madoy
ni Darwin T. Tapayan
Makanay ro baeod. Masadya magpamasnig. Manugsikaeom eon ro palibot tag nagkasugot si Madoy ag Intik nga magpaeawod agud to makapangisda. Do pagpangisda halin kato ro nangin pangabuhianan ku kada pamilya nanda. Apang raya ro hitabu nga indi nanda pwede malipatan sa andang kabuhi.
Samtang sa katung-anan it kaeawran, sa owa nanda ginaeaumi nga ruyon nga gabii may nagahueat nga kataeagman kanda. Gulpi nga nag-abut ro mabahoe nga baeod tuga it owa ginaeaomi nga maeain nga paniempo. Paghampak it baeod sa andang baroto nga ginasakyan bumaliskad raya ag tumambabu ro daywa sa eawod. Madasig ro hitabu. Ginbueag it mabaskog nga humbak ro magmaeanghod. Nakakapyot si Intik sa andang baroto apang naanod it humbak ro anang magueang. Sa pagtawhay it tiempo nakauli si Intik sakay sa parehong boroto.
Apang nagpabilin nga nagaeangoy-eangoy si Madoy sa eawod. Pagkaaga, habugtaw raya sa kabaeasan. Gindaea imaw it humbak sa maeayo ag maisot nga isla nga owa it kabaeayan ag tawo nga naga-istar. Nalibot nana ro isla sa pag-usoy it mga prutas nga makaon. Haeos oras-oras nagatawag sa Makaaku si Madoy nga kunta may mag-abot nga bulig kana nga makabalik sa andang lugar. Apang nagtaliwan ro adlaw, nagpangaywa, maging nagsandominggo imaw sa isla. Nadueaan imaw it pagsalig nga may bulig pa nga maabot kana. Naghina man ro anang pagtuo.
Sa kabuhayon sa isla naghimo imaw it payag-payag nga matueugan. Nagapanakop imaw it mga isda sa bibi agud to kaunon. Naga-gamit imaw it daywa ka bato nga ginakiskis agud to magkakaeayo.
Sambes samtang nagaihaw it isda, haisipan na nga magpamueot it mga gangat panggatong. Sa owa na' ginahunaa naabot it alipaeok halin sa ihawan sa liwan ro ana nga payag. Madasig raya nga naabu kaibahan ro mga prutas nga pangkunsumo sa sueod. Bangud sa natabu nagmueo-mueo raya sa Dyos. Suno kana owa eon ngane it bulig nga nagaabot kana pati pa ro anang payag ag mga pagkaon hay ginpasugtan pa nga masunog. Nagtangis raya it sobra.
Bag-o magsalikaeom, nakibot raya nga may nagdungka nga lansa (maisot nga barko) sa lugar sakay ro mga rescuer. Nangawa imaw nga hakita imaw ku mga raya ag nagpangutana kon paalin imaw nasapuan. Nagsabat sanda nga bangud sa aso nga nagahalin sa isla.
Tuon sa kabuhi: Minatuod nga nagasabat ro Dyos. Nagasabat imaw sa ana nga kaugalingon nga tiempo ag paagi.
Makanay ro baeod. Masadya magpamasnig. Manugsikaeom eon ro palibot tag nagkasugot si Madoy ag Intik nga magpaeawod agud to makapangisda. Do pagpangisda halin kato ro nangin pangabuhianan ku kada pamilya nanda. Apang raya ro hitabu nga indi nanda pwede malipatan sa andang kabuhi.
Samtang sa katung-anan it kaeawran, sa owa nanda ginaeaumi nga ruyon nga gabii may nagahueat nga kataeagman kanda. Gulpi nga nag-abut ro mabahoe nga baeod tuga it owa ginaeaomi nga maeain nga paniempo. Paghampak it baeod sa andang baroto nga ginasakyan bumaliskad raya ag tumambabu ro daywa sa eawod. Madasig ro hitabu. Ginbueag it mabaskog nga humbak ro magmaeanghod. Nakakapyot si Intik sa andang baroto apang naanod it humbak ro anang magueang. Sa pagtawhay it tiempo nakauli si Intik sakay sa parehong boroto.
Apang nagpabilin nga nagaeangoy-eangoy si Madoy sa eawod. Pagkaaga, habugtaw raya sa kabaeasan. Gindaea imaw it humbak sa maeayo ag maisot nga isla nga owa it kabaeayan ag tawo nga naga-istar. Nalibot nana ro isla sa pag-usoy it mga prutas nga makaon. Haeos oras-oras nagatawag sa Makaaku si Madoy nga kunta may mag-abot nga bulig kana nga makabalik sa andang lugar. Apang nagtaliwan ro adlaw, nagpangaywa, maging nagsandominggo imaw sa isla. Nadueaan imaw it pagsalig nga may bulig pa nga maabot kana. Naghina man ro anang pagtuo.
Sa kabuhayon sa isla naghimo imaw it payag-payag nga matueugan. Nagapanakop imaw it mga isda sa bibi agud to kaunon. Naga-gamit imaw it daywa ka bato nga ginakiskis agud to magkakaeayo.
Sambes samtang nagaihaw it isda, haisipan na nga magpamueot it mga gangat panggatong. Sa owa na' ginahunaa naabot it alipaeok halin sa ihawan sa liwan ro ana nga payag. Madasig raya nga naabu kaibahan ro mga prutas nga pangkunsumo sa sueod. Bangud sa natabu nagmueo-mueo raya sa Dyos. Suno kana owa eon ngane it bulig nga nagaabot kana pati pa ro anang payag ag mga pagkaon hay ginpasugtan pa nga masunog. Nagtangis raya it sobra.
Bag-o magsalikaeom, nakibot raya nga may nagdungka nga lansa (maisot nga barko) sa lugar sakay ro mga rescuer. Nangawa imaw nga hakita imaw ku mga raya ag nagpangutana kon paalin imaw nasapuan. Nagsabat sanda nga bangud sa aso nga nagahalin sa isla.
Tuon sa kabuhi: Minatuod nga nagasabat ro Dyos. Nagasabat imaw sa ana nga kaugalingon nga tiempo ag paagi.
Comments
Post a Comment