PROBINSYANO

binaeaybay ni Darwin Tapayan


Handom ko’y magpasimpaead sa ibang eugta
Nga dayang handom ko’y mapaidto sa Maynila
Agud nga kalisdanan sa probinsya’y aywan
Apang sa gihapo’ magaulikid sa banwang kinabugtawan.

Sa probinsiya’y mahipos, ag do tawo hay nagahieibaot
Sa siyudad hay masangag, ag masaku ro palibot.
Kung daya man nga panamgo hay matabo
Ako hay magabalik sa Akean—probinsiya ko.

Kung ako ma’y mapaidto, ‘di ko pagkalipatan maliway nga uma
Do bukid, do eanas, ag do matin-aw nga suba
Do handaan kung may pista sa barangay,
Ngani man, di ko gid pagkalipatan si Nanay ag Tatay.

Ipabugae ko nga ako hay probinsiyano, sa panghueag, panghambae
Nganing ginakilaea ko rayang kultura ag tradisyon agud ikapabugae.
Siin man ako daehon it hanging mabaskog
Ako sa kamatuoran, itaas ro pagkaprobinsiyano, do pagkamatuod.

Ag kung daya man nga mga ibanhon hay mapaiya sa Akean
Sigurado nga ipakita ko ro manggad nga kato’y handumanan
Ku mga katigueangan, sa tradisyong masadaya, manami
Dayang mabaskog nga pagtuo, sa makulay nga ati-ati.

Daya man nga paghinambaean hay ipabugae, pakahaeungan
Agud sa pagdayon it paniempo hay indi maduea san-o paman
Ag do dayang bugna it eangit hay ipabugae, ipakilaea
Sa mga dumueong hay ipabugae, agud raya’y mangin kadaeag-an ta.

Ako hay probinsiyanong matuod, sa hueag, sa hambae, sa huna
Ako hay hantop nga Akeanon, ginapabugae ag indi ikahuya
Mapasaibang eugta man, sa probinsiya ko ako hay mahidlaw
Magabalik ag magaulikid daea ro kadaeag-an sa indi magbuhay.


Comments

Post a Comment

Popular posts from this blog

Aklanon Common Greetings and Salutations

Prepared by Darwin Tapayan English Aklanon Hiligaynon Tagalog What is your name? Ano ro i’ng (imo nga) pangaean? Ano ang imo ngalan? Ano ang pangalan mo? I am… My name is… Ako si… Do a’ng (akon nga) pangaean hay… Ako si… Ang akon ngalan amo si… Ako si… Ang pangalan ko ay… Where do you live? Siin ka gaistar? Taga-siin ka hay? (informal) Diin ka gapuyo? Taga-diin ka haw? Saan ka nakatira? Taga-saan  ka? My companion is… Do a’ng kaibahan hay si… Ang upod ko si… Ang kasama ko ay si… How old are you? Pila i’ng edad? Pila ka eon? (informal) Pila na ang imo edad? Pila ka na? Ilang taon ka na? Ilan ka na? Who is with you? Sin-o ro i’ng kaibahan? Sin-o ang upod mo? Sino ang kasama mo? How are you? Hay? (info...
Read more

Patugma (Aklanon Riddles)

Image
gintipon ni Darwin Tapayan 1. Sambilog ro ginsudlan, tatlo ro ginguw-an. 2. Nagakamang eon ro unga, nagapungko pa eang ro ina. 3. Buktot nga tulay, sahi-sahi ro kulay. 4. Manaba kung nagatindog, mataas kung nakapungko. 5. Maisot eang si Nene, kaantigo eon magtahi-tahi. 6. Baeay ni Adan, indi mabasa it uean. 7. Eab-on, pali; eab-on, pali. 8. Si Nene kung mageupad, do buli nagaiwag. 9. Iya ko gintanom, idto nageabong. 10. Bukon it tawo, bukon it sapat: May daywa ka sungay. 11. Tubi sa mining-mining, indi maabot it hangin. 12. Bukon it tawo, bukon it sapat: kung siin ko ginpaeong, idto ro kabuhi nagdayon. 13. Dahon nga ginbungahan, bunga nga gindahunan. 14. Bukon it tawo, bukon it butang: daea ro baeay bisan siin ro paagtunan. 15. Bukon it tawo, bukon it sapat: Nagapanago si Toto, nakatunga ro ueo. 16. Bukon it taw, bukon it sapat, bukon it butang: may buhok, may mata, may baba, owa it eawas. 17. Sa gabii dahon, sa adlaw baston. Sabat: 1. eambong;...
Read more

“Mamugon”

Image
Aklanon spoken literature  includes kaeantahon (folk song) or kumpuso (song composition). According to some elderly, most of this spoken literature is used to serenade woman (locally known as harana ), lullaby ( hele in vernacular), as luwa being sang in wakes, among others. “Mamugon” (to harvest, especially rice plants) is one of this folk songs generally unwritten with unknown compositor had been pass on from our forefathers to our times. I have heard and knew this (at least this version) from my grandmother, Patricia Dela Cruz Tapayan, now 83 years old. The song relates the story of a typical farmer harvesting in a rice field with its dramatic story missing his/her died mother. Mamugon ako mamugon Sang gantang ro suhoe sa maghapon Alas dose ako pakan-on Oras eon nga ako paulion. Pag-abot sa baeay Mangayo ako it humay Tinuro ako ni Tatay Sa eusong ro paeay. Alinon ko ro paeay? Eawas ko hay nagapangabudlay; Kung buhi eang si Nanay Makaon ako...
Read more