Sa Pagtunod it Adlaw
ni Darwin Tapayan
base sa matuod nga natabu
Do kabuhi eabaw sa tanan--eabaw sa anumang materyal nga butang.
Pasakaon ro daean. Kakahuyan ro palibot--maeayo pa ro baeay it magtiya nga pauli eon halin sa kaeanasan. Sa kabukiran sa sangka banwa it Akean naga-istar ro magtiya. Kaibahan ni Lucia ro ana nga mga gumankon nga sanday Istoy ag Istay, parehong nagatuon sa elementarya. Patunod eon ro adlaw ag amat-amat eon nga ginaeamon it kadueom ro palibot. Samtang sa pamaktason, may gulpi nga nagpaeapit nga mabahoe nga ayam nga nagatueo ro laway ag haom sanda nga angkiton.
Sa kahadlok, dumaeagan ro magtiya ag gineagas sanda it bang-aw. Hinapo ro magtiya. Sa kaeuoy ni Lucia sa mga unga, ginpasaka na' raya sa sangka puno it bayawas apang gin-angkit ro siki it unga nga baye ag naabutan ro unga nga eaki sa ubos ag gin-angkit sa ana nga tuo nga alima. Bangud may daea nga sanduko, gineabu ni Lucia it makapilang beses ro bang-aw apang owa nakasarang ro ana nga hinangiban hasta nga hadumugan imaw it mabahoe nga ayam ag ginpang-angkit sa tuo nga alima. Maemae ro pagtangis ku mga unga sa natabu. Nagpaninggiton sanda it bulig nga paagto sa owa bangud sa maeayo nga antad it mga panimaeay sa lugar. Sa pihak it kahinaan ag pagdinuggo it nina sa alima, ginpilit ni Istoy nga habyon it bato ro ayam hasta nga taliwanan kara ro tiya ag nagpaeagiw sa indi matumod.
Ku ulihi natabangan sanda sa daeanon nga owa eon it mga ikasarang. Gintinguhaan sanda nga tabangan panaog sa bukid agud insigida ipadangat sa baeay-bueoengan. Makatlong adlaw sa ospital ginsugiran sanda nga ikamatay nanda ro rabis it ayam nga nageantong eon sa sueod ku andang eawas. Kinahangean nanda bakeon ro bueong nga makatapna kara sa haega nga 30,000 pesos. Bangud sa pageaom, nagpasimpaead ro manghod ni Lucia nga ama it mga unga nga mag-ayu it bulig sa mga pulitiko sa anda nga lugar.
Masubo nga ginpasalig lang si Pakit. Nakaguwa lang sa ospital ro mga magtiya nga owa habakae ro bueong. Madasig nga nageuya si Lucia ag ginbugtuan it ginhawa. Baganihan si Lucia para kanday Istoy ag Istay. Sa anda nga pangedaron nahisayuran nanda nga ro hantop nga pagbulig hay haom permi sa tiempo it pagkinahangean.##
base sa matuod nga natabu
Pasakaon ro daean. Kakahuyan ro palibot--maeayo pa ro baeay it magtiya nga pauli eon halin sa kaeanasan. Sa kabukiran sa sangka banwa it Akean naga-istar ro magtiya. Kaibahan ni Lucia ro ana nga mga gumankon nga sanday Istoy ag Istay, parehong nagatuon sa elementarya. Patunod eon ro adlaw ag amat-amat eon nga ginaeamon it kadueom ro palibot. Samtang sa pamaktason, may gulpi nga nagpaeapit nga mabahoe nga ayam nga nagatueo ro laway ag haom sanda nga angkiton.
Sa kahadlok, dumaeagan ro magtiya ag gineagas sanda it bang-aw. Hinapo ro magtiya. Sa kaeuoy ni Lucia sa mga unga, ginpasaka na' raya sa sangka puno it bayawas apang gin-angkit ro siki it unga nga baye ag naabutan ro unga nga eaki sa ubos ag gin-angkit sa ana nga tuo nga alima. Bangud may daea nga sanduko, gineabu ni Lucia it makapilang beses ro bang-aw apang owa nakasarang ro ana nga hinangiban hasta nga hadumugan imaw it mabahoe nga ayam ag ginpang-angkit sa tuo nga alima. Maemae ro pagtangis ku mga unga sa natabu. Nagpaninggiton sanda it bulig nga paagto sa owa bangud sa maeayo nga antad it mga panimaeay sa lugar. Sa pihak it kahinaan ag pagdinuggo it nina sa alima, ginpilit ni Istoy nga habyon it bato ro ayam hasta nga taliwanan kara ro tiya ag nagpaeagiw sa indi matumod.
Ku ulihi natabangan sanda sa daeanon nga owa eon it mga ikasarang. Gintinguhaan sanda nga tabangan panaog sa bukid agud insigida ipadangat sa baeay-bueoengan. Makatlong adlaw sa ospital ginsugiran sanda nga ikamatay nanda ro rabis it ayam nga nageantong eon sa sueod ku andang eawas. Kinahangean nanda bakeon ro bueong nga makatapna kara sa haega nga 30,000 pesos. Bangud sa pageaom, nagpasimpaead ro manghod ni Lucia nga ama it mga unga nga mag-ayu it bulig sa mga pulitiko sa anda nga lugar.
Masubo nga ginpasalig lang si Pakit. Nakaguwa lang sa ospital ro mga magtiya nga owa habakae ro bueong. Madasig nga nageuya si Lucia ag ginbugtuan it ginhawa. Baganihan si Lucia para kanday Istoy ag Istay. Sa anda nga pangedaron nahisayuran nanda nga ro hantop nga pagbulig hay haom permi sa tiempo it pagkinahangean.##
Comments
Post a Comment