Do Grasya it Mangunguma
uman nga ginsugid ni Darwin Tapayan
Dyaket ag bota. Daya ro hakit-an it daywa ka mag-amigo samtang nagawarang sa tunga it kaeanasan. Nakita nanda ro luma ag gisi nga dyaket sa gilid it mayor nga pilapil kaibahan ro gabot ag gisi nga pares it bota. Sangkiri raya nga natabunan it mga hilamon nga mingko ginhungod agud indi eagi makit-an. Sa bukon it maeayo, nakita nanda ro sangka eaki nga nagahilamon sa tunga it eanas sa idaeom it nagatagiktik nga init ku silak it adlaw. Sa banta nanda hay imaw ra' ro tag-ana.
Nakapinuino ro mas bata nga unga nga mag-eksperimento. Ginsugid na' ro plano sa ana nga kaibahan nga gusto na' sigon makita kon ano ro mangin reaksyon it mangunguma kon maduea ro anang mga hinab-on. Buot hambaeon gusto na' nga taguon ro bota ag dyaket.
Ginsaway eagi imaw it mas magueang nga unga, ginasugid nga maeain raya. Mawron nga nag-isip imaw it mayad-ayad nga plano. Naisipan na' nga mag-eksperimento sa reaksyon ku tag-ana it bota kon pagabutangan nanda raya it tag limang piso sa kada sambilog kara. Ginbutangan na' ro sambilog ag gin-ingganyo ro mas bata nga amigo nga ibutang man ro anang limang piso sa kapares kara. Napilitan pa pero ku ulihi hay ginhueog man it mas bata nga unga ro kwarta.
Ginhueat nanda nga magtakas ro eaki nga mangunguma nga bue-on ro gin-aywan sa pilapil. Nagtiid sanda sa kahilamnan samtang nagakuob. Nangawa ro mangunguma nga tag pagsuksok na' may kon ano nga matig-a nga butang sa sueod it tuo nga bota. Ginkuot na' raya it alima ag indi makapati nga limang piso raya. Maw man ro nabatyagan na' tag ginsueod na eon sa waea nga bota ro anang siki. Pagkuot na hay nangin tuman ro ana nga kalipay matapos nga makabuoe pagid it limang piso.
Nageuhod ro magueang nga pobre ag nagpasaeamat sa Diyos sa pangamuyo. Mabaskog na nga ginmitlang sa Diyos ro kalipay sa grasya nga nabaton. Ginsugid na nga sabat raya sa pilang adlaw eon nga owa sanda it makaon ag pangpabaeon sa daywa ka gaeskwela nga mga unga. Nabatian raya tanan it mag-amigo ag natun-an kara mismo it manghod nga unga nga pwede gali kita mangin daean it Diyos agud masabat ro pangamuyo ku aton nga mga isigkatawo.#
Dyaket ag bota. Daya ro hakit-an it daywa ka mag-amigo samtang nagawarang sa tunga it kaeanasan. Nakita nanda ro luma ag gisi nga dyaket sa gilid it mayor nga pilapil kaibahan ro gabot ag gisi nga pares it bota. Sangkiri raya nga natabunan it mga hilamon nga mingko ginhungod agud indi eagi makit-an. Sa bukon it maeayo, nakita nanda ro sangka eaki nga nagahilamon sa tunga it eanas sa idaeom it nagatagiktik nga init ku silak it adlaw. Sa banta nanda hay imaw ra' ro tag-ana.
Nakapinuino ro mas bata nga unga nga mag-eksperimento. Ginsugid na' ro plano sa ana nga kaibahan nga gusto na' sigon makita kon ano ro mangin reaksyon it mangunguma kon maduea ro anang mga hinab-on. Buot hambaeon gusto na' nga taguon ro bota ag dyaket.
Ginsaway eagi imaw it mas magueang nga unga, ginasugid nga maeain raya. Mawron nga nag-isip imaw it mayad-ayad nga plano. Naisipan na' nga mag-eksperimento sa reaksyon ku tag-ana it bota kon pagabutangan nanda raya it tag limang piso sa kada sambilog kara. Ginbutangan na' ro sambilog ag gin-ingganyo ro mas bata nga amigo nga ibutang man ro anang limang piso sa kapares kara. Napilitan pa pero ku ulihi hay ginhueog man it mas bata nga unga ro kwarta.
Ginhueat nanda nga magtakas ro eaki nga mangunguma nga bue-on ro gin-aywan sa pilapil. Nagtiid sanda sa kahilamnan samtang nagakuob. Nangawa ro mangunguma nga tag pagsuksok na' may kon ano nga matig-a nga butang sa sueod it tuo nga bota. Ginkuot na' raya it alima ag indi makapati nga limang piso raya. Maw man ro nabatyagan na' tag ginsueod na eon sa waea nga bota ro anang siki. Pagkuot na hay nangin tuman ro ana nga kalipay matapos nga makabuoe pagid it limang piso.
Nageuhod ro magueang nga pobre ag nagpasaeamat sa Diyos sa pangamuyo. Mabaskog na nga ginmitlang sa Diyos ro kalipay sa grasya nga nabaton. Ginsugid na nga sabat raya sa pilang adlaw eon nga owa sanda it makaon ag pangpabaeon sa daywa ka gaeskwela nga mga unga. Nabatian raya tanan it mag-amigo ag natun-an kara mismo it manghod nga unga nga pwede gali kita mangin daean it Diyos agud masabat ro pangamuyo ku aton nga mga isigkatawo.#
Comments
Post a Comment