AKLANON PROUD

binaeaybay ni Darwin Tapayan / Oktubre  20, 2014 Ako hay nag-agto sa Isla it Boracay Agud riya hay magpangamuhan Agud sa kabuhi nga kubos hay amat-amat makaeampuwas Sa owa ko ginahuna-huna, euwas sa rayang kahiguyanan Boracay gali hay husto gid nga manggad it Akean— Matin-aw nga tubi it baybayon, Puti nga kabaeasan sa bibi, Do huyop it hangin hay manami, Banyaga—Koreano, Intsik, Kano ag iba pa hay iya nagatabu O Boracay masadaya gali nga lugar! Tagipusuon ko’y nagabayawa sa Ginuo sa rayang bugay Matahom, masadya , ginapantasya nga Isla it Boracay Sa eawiganan it Akean, sarang gid nga ikapabugae Mangin sa pungosd Pilipinas manggad nga tuman Kamana hay paraiso kita ro natunaan. Iya sa Boracay ako hay tuman nga masadya Tawo sa palibot mainaabi-abihon, mabinuligon, Sa bibig hay may daea nga ngisi Nga buot-hambaeaon, iya ako hay pagatatapon— Masadya nga taean-awon Sa kabuhi hay nagabuoe it gaoy sa kalisdanan it kabuhi nga naagom Do mga

Do raya nga blog hay ginpueawan, gin-usikan it maabong oras, ag ginpangalisdan agud maipresentar kinyo it manami ag nga kadayaw-dayaw. Do raya nga blog hay ginpahaom sa tanan nga paghinambaean, lahi, tawo, kahimtangan, ag pagtuo. Ginhimu ro daya nga blog agud taw-an it kapuseanan ro paghinambaean bilang isae ka mabahoe nga bugay it Ginuo sa katawhan. Do pinakabangud nga kung ham-an ginhimu ko raya ngara hay agud nga ipakita ro  kapuseanan it paghinambaeng Akeanon kamana man it paghinambaeng Tageaog ag Ingles. Nakahisayod baea kamo nga paamat-amat eon nga nagakaduea ro atong paghinambaeang Akeanon (Basaha ro panaean-awan nga may tigueo nga “Paghinambaeang Akeanon: Pagkakilaneang Akeanon”). Daya hay paghimakas eamang it isaea ka tawo apang sa ulihi napanan-aw ko nga raya hay mangin mabinungahon. PAGKANGAY IT TAG-ANA: Ginakangay ro tanan nga tun-an ro raya nga manami nga baeasahon nga makatao kinyo bukon eamang it kalingawan ag kasadya kundi kalipay, mga tuon sa k

binaeaybay ni Darwin Tapayan Handom ko’y magpasimpaead sa ibang eugta Nga dayang handom ko’y mapaidto sa Maynila Agud nga kalisdanan sa probinsya’y aywan Apang sa gihapo’ magaulikid sa banwang kinabugtawan. Sa probinsiya’y mahipos, ag do tawo hay nagahieibaot Sa siyudad hay masangag, ag masaku ro palibot. Kung daya man nga panamgo hay matabo Ako hay magabalik sa Akean—probinsiya ko. Kung ako ma’y mapaidto, ‘di ko pagkalipatan maliway nga uma Do bukid, do eanas, ag do matin-aw nga suba Do handaan kung may pista sa barangay, Ngani man, di ko gid pagkalipatan si Nanay ag Tatay. Ipabugae ko nga ako hay probinsiyano, sa panghueag, panghambae Nganing ginakilaea ko rayang kultura ag tradisyon agud ikapabugae. Siin man ako daehon it hanging mabaskog Ako sa kamatuoran, itaas ro pagkaprobinsiyano, do pagkamatuod. Ag kung daya man nga mga ibanhon hay mapaiya sa Akean Sigurado nga ipakita ko ro manggad nga kato’y handumanan Ku mga katigueangan,

panan-awan ni Darwin Tapayan Sa pagligad it paniempo, amat-amat nga nagabag-o ro pagpangabuhi it tawo, do pag-inugali, ag bisan ro paghinambaean. Sa gihapon, dapat taw-an it ta it paghibangud ro mga butang nga nagapakita it atong pagkakilanean. Isaea sa mga butang nga dapa taw-an ta it pagpasibangud ag paghaeong hay ro amat-amat nga nagakaduea naton nga paghinisayod Akeanon. Mga igmanghod, kilaean-a ro inyo nga kaugalingon ag pangutan-a sa atubadngan it ispiho: “Akeanon gid baea ako?” Sa tiempo naton makaron, ro pagkakilanean it isaea ka Akeanon hay amat-amat nga nalilipatan ag owa eon nataw-i it nagakahusto nga igtueupangud. Daya ro aton nga paghinambaeang Akeanon nga eaban  nga owa nataw-an it nagakadapat nga igtueupangud ag pag-ulikid. Dapat ninyo mahisayuran nga ro paghinisayod Akeanon hay isaea ka mabahoe nga bugay it mahae nga Makaako. Isipa ag binaga lang ninyo: kung owa ro paghinambaeang Akeanon, magkahilabatnan baea kita? Makit-an ta baea ro mga pag-uswag ngara sa ato

ni Darwin Tapayan Pagsueat, imaw ro ikasarang nga gintao kakon it mahae nga Makaako nga gintaw-an ko it tuman nga paghaeong ag pagpanipueos. Sa pagsueat, nabugtaw ako sa kanami it kabuhi, sa kasadya it panamgo, ag sa hugot nga pagtuo. Nahisayuran ko makaron nga ro pagsueat hay isaea ka daean sa kadaeag-an. Photo courtesy of Google Search Pagsueat—daya ro tawag it akong kabuhi. Nakilaea ko ro akon kaugalingon sa rayang akong pamatan-on bilang isaea ka eab-as (bag-ong subat) nga manunueat. Isaea ako ka manugsaysay ag manunula. Do raya nga kahigayunan hay nagpabaskog ku akon nga buot agud maghimu it panamgo sa dueot it bolpen nga nagatao it kapuseanan sa papel. Do pagsueat ro nagtueod kakon nga magbinag-binag sa kabuhi. Daya ro akon nga nangin abyan sa kahimtangan nga ako hay masubo, nga ako hay ina sa tuman nga pagsamit ag pagpangalisod sa kabuhi, ag imaw ro akon nga kabaskog kung haeos ro tanan nga tawo hay ginakaugtan ako. Papel ag bolpen ro akon nga aeagtunan sa tiemp