AKLANON PROUD

May sangka manugpangisda ro nagkumpesar sa pari. Kumpesar it manugpangisda: nagkasabtanan sanda ku anang kaeapitbaeay mawto nga nakamitlang imaw it mga maeain nga mga pamisaea kontra sa ana nga kaeapitbaeay. Nagsabat ro pari nga magtipon raya it mga bueak ukon koton ag isueod sa sako. Dugang pa it pari nga dayon ikalhit raya it manugpangisda sa plaza ku banwa. Apang owa nagpromesa ro pari it kapatawaran sa eaki.     Inisigida nga umuli ro eaki ag nagpamu’pu’ it koton ag gindaea ro sangka sako kara sa plaza ku andang banwa. Kapareho it ginsugo ku pari ginkalhit na raya sa nagkaeain-eain nga parte it plaza. Pagkatapos hay nagbalik eagi imaw sa pari ag masadya nga ginsugid ro anang pagtuman sa bilin sa eaom nga mapatawad eon imaw. Apang ginkakueba na tag ginhambaean imaw it pari nga owa pa hatapos ro anang bilin kana.    Ginsugo imaw nga pamueuton na ro mga koton nga ginpangalhit sa plaza. Nasubuan ro eaki ag nagmueo-mueo, ginasugid sa pari nga malisod raya nga pamu...

ni Darwin T. Tapayan Makanay ro baeod. Masadya magpamasnig. Manugsikaeom eon ro palibot tag nagkasugot si Madoy ag Intik nga magpaeawod agud to makapangisda. Do pagpangisda halin kato ro nangin pangabuhianan ku kada pamilya nanda. Apang raya ro hitabu nga indi nanda pwede malipatan sa andang kabuhi. Samtang sa katung-anan it kaeawran, sa owa nanda ginaeaumi nga ruyon nga gabii may nagahueat nga kataeagman kanda. Gulpi nga nag-abut ro mabahoe nga baeod tuga it owa ginaeaomi nga maeain nga paniempo. Paghampak it baeod sa andang baroto nga ginasakyan bumaliskad raya ag tumambabu ro daywa sa eawod. Madasig ro hitabu. Ginbueag it mabaskog nga humbak ro magmaeanghod. Nakakapyot si Intik sa andang baroto apang naanod it humbak ro anang magueang. Sa pagtawhay it tiempo nakauli si Intik sakay sa parehong boroto. Apang nagpabilin nga nagaeangoy-eangoy si Madoy sa eawod. Pagkaaga, habugtaw raya sa kabaeasan. Gindaea imaw it humbak sa maeayo ag maisot nga isla nga owa it kabaeayan ag tawo nga...

uman nga ginsugid ni Darwin Tapayan May sangka eaki nga nagtipon it kwarta sa mabuhay nga paniempo agud to makasakay sa cruise ship ag malibot ro Eawod Mediteranyan. Pag-abot sa barko, masadya imaw nga ginsubeang it sangka crew ku barko ag to ginbuoe ro anang daywa ka maeagku nga maleta. Gindaea raya it crew sa anang cabin ag to hapilitan imaw nga taw-an it kwarta ro crew. Indi imaw kapati nga nakasampa gid imaw sa cruise ship, sangka butang nga mabuhay na' eon nga handom. Insigida raya nga naghilata sa eugban. Dayon ginpambuksan na' ro daywa ka maleta. Do sueod it sambilog hay puro ieislan ag do sa pihak hay eaban pagkaon kamana it nodols, de lata, mga biskwit, ag iba pa nga mga kapareho nga pagkaon. Nagpabilin ro eaki sa sueod it cabin samtang ginapamantaw ro mga masinadya nga lugar halin sa bintana kara. Haagyan na' nga magtapak sa Roma apang owa gid magmunot nga magwarang. Mabuhay eon nga handom ku rayang magueang nga eaki nga makit-an ag makatuntong sa Roma. N...

uman nga ginsugid ni Darwin T. Tapayan Nagakangawa ro ina nga pato nga sa lima na' nga mga isiw may sambilog kara nga eain ro itsura ag ginhingadlan nga maeaw-ay nga pato. Abuhon ro anang kulay ag mabahoe ro eawas kumpara sa ap-at nga mga isiw nga pato. Nagakangawa imaw kon ham-an nagapaeagiw kana ro mga isiw nga pato mangin ro ina ku mga raya. Ginhimakas na' nga batunon it mga kaibahan nga isiw pero ginatuya-tuya imaw kara ag owa ginasapaka. Nagsinunod imaw sa mga kaeanasan, ag kasubaan, ukon siin man mag-adto ro mga pato apang owa gid imaw ginakabig nga pamilya. Masubo ro maeaw-ay nga pato ag sambes hay nagdesider nga magbueag sa ginakilaea na' nga pamilya. Ginpakamayad na' nga mageayo kanda. Sang adlaw, nagtangda sa eangit ro maeaw-ay nga pato ag hakit-an na' ro mahilway nga sinakpan it mga gansa nga nagaeupad. Pagkakita na' sa mga raya, may kon ano nga impresyon nga nag-abot kana. Naisipan it maeaw-ay nga pato nga magdungok sa tubi it suba ag naaninag ...

uman nga ginsugid ni Darwin Tapayan Dyaket ag bota. Daya ro hakit-an it daywa ka mag-amigo samtang nagawarang sa tunga it kaeanasan. Nakita nanda ro luma ag gisi nga dyaket sa gilid it mayor nga pilapil kaibahan ro gabot ag gisi nga pares it bota. Sangkiri raya nga natabunan it mga hilamon nga mingko ginhungod agud indi eagi makit-an. Sa bukon it maeayo, nakita nanda ro sangka eaki nga nagahilamon sa tunga it eanas sa idaeom it nagatagiktik nga init ku silak it adlaw. Sa banta nanda hay imaw ra' ro tag-ana. Nakapinuino ro mas bata nga unga nga mag-eksperimento. Ginsugid na' ro plano sa ana nga kaibahan nga gusto na' sigon makita kon ano ro mangin reaksyon it mangunguma kon maduea ro anang mga hinab-on. Buot hambaeon gusto na' nga taguon ro bota ag dyaket. Ginsaway eagi imaw it mas magueang nga unga, ginasugid nga maeain raya. Mawron nga nag-isip imaw it mayad-ayad nga plano. Naisipan na' nga mag-eksperimento sa reaksyon ku tag-ana it bota kon pagabutangan nand...