May Tiempo sa Kada Butang
ni Darwin Tapayan
 |
| Sa kada butang hay may tiempo, ag tiempo sa kada katuyuan sa idaeom it eangit. |
2. Tiempo it pagkabun-ag, ag tiempo it kamatayon; tiempo it pagpananom, ag tiempo it pagbunot it ginapananom;
3. Tiempo it pagpatay, ag tiempo it pagpamayad; tiempo it pagguba, ag tiempo it pagtukod;
4. Tiempo it pagtangis, ag tiempo it paghibayag; tiempo it pag-unong, ag tiempo it pagsaot;
5. Tiempo it paghambaring it mga bato, ag tiempo it pagtipon it mga bato; tiempo it paghakos, ag tiempo sa pagpugong sa paghakos;
6. Tiempo sa pag-usoy, ag tiempo it pagkaduea; tiempo it paghaeong ag tiempo it pagpilak;
7. Tiempo it paggusi, ag tiempo it pagpanahi; tiempo it paghipos, ag tiempo it pagwakae;
8. Tiempo it paghigugma, ag tiempo it pagdumot; tiempo it paggubat, ag tiempo it katawhayan.
9. Ano ro kapuseanan ro maaguman nga nagahimo ku anang ginkabudlayan?
10. Akong nakita ro sakit nga gintao it Diyos sa mga unga it mga tawo agud hanason.
11. Ginhimo nana ro kada butang nga matahom sa katiempuhan kato; ginbutang man nana ro sanglibutan sa andang tagipusuon, nga anupa’g indi matungkad it tawo ro himo nga ginhimo it Dios halin sa umpisa hasta sa wakas.
12. Nahisayuran ko, nga owa’t husto kanda, kaysa mangin masadya, ag maghimo it matarong samtang sanda hay nagakabuhi.
13. Ag do kada tawo man hay nagakadapat nga kumaon ag uminom, ag mangin masadya sa pagkamatarong sa tanan nanang himo, imaw nga bugna it Diyos.
14. Nahisayuran ko, nga anumang ginahimo it Diyos, magiging magpasan-uman: owa it butang nga pagaidugang, ukon anumang butang nga pagadueaon: ag ginhimo it Diyos agud ro tawo hay mahadlok sa atubang nana.
15. Do natabu sa nagtaliwan hay natabu eon; ag do magakatabu pa hay natabu eon; ag ginausoy gihapon it Diyos ro nagtaliwan eon.
Gineubad halin sa Ecclesiastes 2 it Biblia.
Comments
Post a Comment